Etiquetas

, , , , , ,

Vou intentar dar resposta a algunhas das dúbidas que xurdiron na última sesión do curso. Agardo que vos sirvan de axuda e que non esquecer ningunha. Caso de que teñades máis cuestións, podedes achegalas a través dos comentarios deste ou doutras das publicacións deste blog.

  • Exportar un blog desde Blogger/Blogspot a WordPress

Como xa comentei ao remate da aula con algunhas de vós, pasar dun Blogger/Blogspot a WordPress é bastante complicado. Polo pouco que puiden indagar, só é medianamente factible caso de que nos fagamos usuarios de pagamento en WordPress. Déixovos un par de ligazóns onde explican como podemos proceder.

  1. Migrar de Blogger a WordPress: la guía definitiva
  2. ¡Pasa de Blogger a WordPress!

Para importardes artigos ou comentarios, podedes probar a seguinte secuencia:

Panel > Ferramentas > Importar > Blogger

A partir de aí, podedes seguir as instrucións. Como vedes, podemos importar contidos desde unha ampla variedade de plataformas weblog.

  • Problemas para subir vídeos de Youtube nas publicacións

Aquelas persoas que tiñan problemas ao intentar incrustar vídeos de Youtube e elementos doutras plataformas (tede en conta a listaxe de plataformas compatibles con WordPress), comprobade que tedes esta configuración no apartado de configuración Multimedia en:

Panel > Preferencias > Multimedia

Caso de persistir o problema, lembrade que poderedes incrustar un elemento dunha plataforma externa empregando, dentro do editor de texto, a seguinte secuencia:

Engadir multimedia > Insert from URL

Aí só teredes que introducir o enderezo de Youtube correspondente ao vídeo que desexedes incrustar na vosa publicación e clicar en “Insert into post”.

  • Subir arquivos en Blogger/Blogspot

Segundo estiven consultando, non podemos subir arquivos nun Blogger/Blogspot do mesmo xeito que o facemos en WordPress. Todas as respostas que encontrei indican que debemos depender de servizos externos.Aquí recomendan o uso de Dropbox e aquí, por exemplo, o uso de FileDen.

Como vedes, outro argumento a favor do uso de WordPress.

Advertisements