Etiquetas

, , ,

coristanco

Ben, agora imos ir un paso alén das propostas restrinxidas a unha única disciplina. Imos lanzar unha proposta que comprendería diferentes áreas e que ficarían conectadas, na práctica, a través dos blogs.

A proposta abranguería as seguintes áreas: lingua e ciencias naturais.

  1. Nome: Roteiro interactivo
  2. Contidos.
    1. Lingua e literatura
    2. Ciencias naturais
    3. Emprego de blogs e ferramentas 2.0
  3. Obxectivos.
    1. Elaborar un roteiro interactivo dentro do concello de Coristanco.
    2. Dar visibilidade ao proxecto mediante o emprego dun blog e ferramentas 2.0.
    3. Dotar ao roteiro de contidos:
      1. Relacionados coa lingua e a literatura: toponmia, lendas, cantigas…
      2. Relacionados co medio: zooloxía, botánica, xeoloxía…
  4. Desenvolvemento:
    1. Organización temporal.
      1. Presentación da actividade. Creación de grupos de traballo. Creación e configuración do blog [1 sesión]
      2. Elaboración do roteiro e percorrido deste [2 sesión+1 xornada]
      3. Creación de contidos [3 sesións]
      4. Sinalización do roteiro. Emprego de códigos QR [1 sesión]
    2. Material e instalacións. A actividade desenvolverase tanto nunha aula de informática como no exterior do recinto, no propio roteiro.
    3. Características do blog.
      1. Administrador e usuarios: o profesorado será o administrador. Cada grupo do alumnado terá acceso como “usuario colaborador”.
      2. Privacidade: público.
      3. Xestión da conversa: o administrador deberá aprobar os comentarios antes de seren publicados.
      4. Páxinas:
        1. Principal: información de cada un dos puntos do roteiro.
        2. Roteiro: mapa do roteiro e puntos de interese.
        3. O proxecto: descrición da actividade e dos grupos que a conforman.
      5. Categorías: fixaranse atendendo ao tipo de contidos (lingüísticos, literarios, zoolóxicos, botánicos…)
      6. Público ao que está dirixido: público en xeral.
      7. Liña gráfica: sinxela, clara e representativa da finalidade do proxecto.
      8. Periodicidade das publicacións: os artigos farán referencia a cada un dos puntos do roteiro. Nun futuro poderán marcarse novos puntos ou variantes do roteiro, para o que se poderán engadir máis artigos no blog.
      9. Ligazóns: ligazóns de interese relacionadas cos contidos informativos e información de relevancia do concello.
  5. Proposta de actividades.
    1. Creación do roteiro.
    2. Creación de contidos.
    3. Sinalización e dinamización do roteiro.
  6. Avaliación. Avaliación continua durante o desenvolvemento do proxecto.

Como se observa, o blog funcionará como nexo, servirá para coordinar as tarefas e mais será, xunto co roteiro, o propio produto final derivado do traballo do alumnado.

Advertisements